Dolua fitxategiak - Hil Argi Elkartea

#17 Heriotza eta kultur sorkuntzak. Zinema

Heriotza gai Euskadi Irratiko Faktorian (2020-12-28)

Gonbidatua: Iñaki Peña. Medikua eta zaintza aringarrietan aditua. Zinema zuzendari bezala, heriotzaren inguruko film-trilogia osatu du: Aulki hutsak; S(u/a)minetik bakera; eta Mendian hil. Hirian hil.

2020ko Mendifilm festibalean euskarazko film onenaren saria eskuratu du Mendian hil. Hirian hil dokumentalak. Sorkuntza lan honi buruz hitz egin dugu Iñakirekin eta heriotzaren inguruko hainbat gogoeta partekatu ditu. Grabazioa entzun eta informazio gehigarria jasotzeko ireki mezu osoa.

#16 Gabonak eta dolua. “Gabonak dira… eta aulki bat hutsik” hitzaldiak

Heriotza gai Euskadi Irratiko Faktorian (2020-12-21)

Gonbidatua: Ainhoa Arburua. Psikologoa eta gaixotasun mental grabeetan aditua. Hainbat espezialitate garatu ditu, eta besteak beste, doluan aditua da.

Gabonak garai zaila izaten da sarri doluan daudenentzat, eta hainbat herrietan antolatzen diren “Gabonak dira… eta aulki bat hutsik” hitzaldiek doluan adituak direnen aholkuak eta dolua pasatu dutenen esperientziak eta testigantzak biltzen dituzte. Hitzaldi hauei buruz eta gabonetarako kontutan hartzeko klabe batzuei buruz hitz egin dugu Ainhoarekin. Informazio gehigarria jasotzeko ireki mezu osoa. Grabazioa entzun eta informazio gehigarria jasotzeko ireki mezu osoa.

#09 Heriotzaz osasungintzan. Osasun langileen formazio eta aholkularitza beharrak

Heriotza gai Euskadi Irratiko Faktorian (2020-11-09)

Gonbidatua: Mirentxu Goienetxe. Doluan espezializatutako terapeuta da eta Elizondoko Izarra beilatokiko kolaboratzailea da. Doluan laguntzeko zerbitzua eskaintzen du.

Heriotza eta doluaren inguruko komunikazioa zein zaila den eta osasungintzako langileek heriotzaren inguruan behar duten formazioaz eta aholkularitzaz jardun dugu. Irrati-tartearen grabazioa entzuteko eta informazio gehigarria ikusteko ireki mezu osoa.