Kultur sorkuntzak eta heriotza fitxategiak

Pirritx, Porrotx eta Marimotots

Heriotzaz haurrekin hitz egin daitekeela erakutsi dute, eta haurrak hil direnean ere ondoan egon dira, haurrak bere handitasunean gogoratu eta familiaren mina goxatzen.

#40 Kultur sorkuntzak eta heriotza. Bertsoa

Heriotza gai Euskadi Irratiko Faktorian (2021-06-14)

Gonbidatua: Maddi Sanz. Musikaria eta bertso-jartzailea.

Kultur sorkuntzak balio handia dute heriotzaren inguruan, emozioak bideratzeko, eta baita ere eraldatzeko ere, duten indarragatik. Maddi Sanzek berak sortutako bertsoak partekatu eta bere esperientzia kontatu digu. Grabazioa entzuteko, ireki mezu osoa.

#36 Heriotza eta kultur sorkuntzak. Musika eta klowna

Heriotza gai Euskadi Irratiko Faktorian (2021-05-17)

Gonbidatua: Araitz Bizkai. Musikaria, musika irakaslea eta heriotzaren inguruko “Pasaeran… barkatu eragozpenak” emanaldiaren sortzaileetarikoa.

Enric Benito zaintza aringarrietako adituak heriotza prozesuan dauden faseen inguruan hitzaldi batean esandakoetan oinarrituta sortu zuten musika, poesia eta umorez betetako emanaldi hau Ester Carrizok eta Araitz Bizkaik. Grabazioa entzuteko ireki mezu osoa.

#32 Kultur sorkuntzak. Musikoterapia heriotza prozesuan

Heriotza gai Euskadi Irratiko Faktorian (2021-04-12)

Gonbidatua: Jaione Oribe. Musikoterapeuta MAP Institutuan eta musika irakaslea Urkide ikastetxean. Bizitzaren amaierako prozesuan eta espiritualtasunean sakondu du eta Vivir con Voz Propia elkarteko kidea da.

Musikoterapia zer den eta heriotza prozesuan nola lagundu dezaken azaldu digu Jaionek. Kultur sorkuntzek pertsonaren muinean duten eragina zein handia den irakatsi digu. Grabazioa entzuteko, zabaldu mezu osoa.

#17 Heriotza eta kultur sorkuntzak. Zinema

Heriotza gai Euskadi Irratiko Faktorian (2020-12-28)

Gonbidatua: Iñaki Peña. Medikua eta zaintza aringarrietan aditua. Zinema zuzendari bezala, heriotzaren inguruko film-trilogia osatu du: Aulki hutsak; S(u/a)minetik bakera; eta Mendian hil. Hirian hil.

2020ko Mendifilm festibalean euskarazko film onenaren saria eskuratu du Mendian hil. Hirian hil dokumentalak. Sorkuntza lan honi buruz hitz egin dugu Iñakirekin eta heriotzaren inguruko hainbat gogoeta partekatu ditu. Grabazioa entzun eta informazio gehigarria jasotzeko ireki mezu osoa.

#10 Heriotza eta kultur sorkuntzak. Pailazoak

Heriotza gai Euskadi Irratiko Faktorian (2020-11-09).

Gonbidatua: Joxemari Agirretxe “Porrotx”. Pailazoa, euskaltzalea eta ekintzailea. Euskararen inguruan bide oparoa egin duen sortzailea. Pirritx, Porrotx eta Marimotots taldeko kidea eta Bizipoza elkargunearen sortzaileetarikoa.

Heriotzaren inguruan kultur sorkuntzek duten garrantzia handia da, eta haurrekin heriotzaz hitz egiteko eta beraiek modu naturalean bizi ahal izateko, kultur sorkuntzek indar handia dute. Gaurko saioan, Pirritx Porrotx eta Marimototsen ikuskizun berriak heriotzaren gaia ardatz duela baliatuz, haurrak eta heriotzaren inguruko hainbat kontu aipatu ditugu. Grabazioa entzuteko mezu osoa zabaldu.