Nere Erkiaga fitxategiak - Hil Argi Elkartea

Bertso saio osoa

2025-11-15ean Lasarte-Oriako Zabaleta auzoan egindako “Heriotzaz, beldurretik maitasunera” bertso-saioa. Entzun osorik hemen

Bertsolariak: Ane Labaka, Maddi Ane Txoperena eta Oihana Iguaran.
Gaiak jartzen: Amaia Agirre.
Heriotzari buruzko gaiak: Nere Erkiaga.

Antolatzailea: Hil Argi Elkartea.
Antolatzaile-Laguntzaileak: Zabaleta Auzolanean, Borobilean Elkartea, Heriotzaz Bizitzatik eta Earra Bertso-Eskola.

1 – Aurkezpena: Nere Erkiaga

“Heriotzaz, beldurretik maitasunera” bertso-saioa. Heriotzaren inguruko gai ezberdinak ekarriko ditu Nere Erkiagak.

6 – Beldurra: Oihana Iguaran, Ane Labaka

Heriotza aipatzean agertzen den emozio nagusienetako bat BELDURRA izaten da.

Erlijioek heriotzaren aurrean egoki kokatzeko baliabideak eman arren, Euskal Herrian mendeetan eta mendeetan, eliza katolikoak heriotzaren inguruan beldurra erabili du. Eta gaur egun, horretatik libre gaudela pentsatu ahal dugun arren, bizi garen ikus-entzunezko kulturak heriotzaren inguruko beldurra areagotzeko produkzio bikaina sortu du.

Eta ikus-entzunezkoek, elizetan margotzen ziren pinturek baino indar gehiago dute gure inkontzientean… eta kontzientean

7 – Zaintza aringarri pediatrikoak: Maddi Ane Txoperena, Ane Labaka

Hil Argi Elkartetik “Bertso-ipuin bat zuretzako” egitasmoa sortu genuen bertsolari talde batekin, zaintza aringarrietan zeuden haurrei, haurrak berak aukeratutako pertsonaia, egoera eta bestelako elementuekin bertso-ipuin bat sortu eta eskaintzeko. Ezagutu genituen ume Handi-Handi batzuk, eta beraientzat bertso-ipuinak sortu, baina berehala konturatu ginen zaila izango zela egitasmoak aurrera egitea, ZAINTZA ARINGARRI PEDIATRIKOAK GARATU GABE DAUDELAKO GUREAN…

8 – Hilerriak: Oihana Iguaran

Mendeetan, eliza barruan edo inguruan egiten ziren ehorzketak, baina Hego Euskal Herrian XVIII. mendean sortu ziren izurriteen ondorioz, Gaztelako erregeak hilerriak herritik kanpo eraikitzeko agindua eman zuen. Mendeak pasatu behar izan ziren udalek agindu horiei kasu egiteko: XIX. mendekoak dira herrietatik kanpoko aldean ditugun hilerri gehienak… eta oraindik ere gehienek estetika eta ohitura antzekoekin jarraitzen dute.

9 – Lutoa: Ane Labaka, Oihana Iguaran eta Maddi Ane Txoperena

Mende luzez dolua adierazteko lutoa erabiltzen zen. Doluan zegoen pertsona beltzez jantzita ibiltzen zen, eta bigarren urtean ere muga asko baziren, lutoan zegoen pertsonarentzat. Berez ideia ona zen, baina batez ere emakumeentzako ziren muga gogorrenak. Eta luto bat, beste luto batekin lotu ahal zen, eta urteetan dantza egiteko aukera gabe ibili.

10 – Duintasuna heriotzan: Maddi Ane Txoperena

Denok nahi dugu DUINTASUNEZ HIL. Baina kontua da, bakoitzarentzat duintasunak zentzu desberdina duela, eta bakoitzaren duintasunaren zentzua errespetatzea, eta horretan laguntzea, asko kostatzen zaigula.

11 – Errautsak: Oihana Iguaran, Ane Labaka

Azken hamarkadetan aldaketa asko eman diren arren, heriotzaren inguruko gai asko herri mailan ia berdin jarraitzen dute, tabuaren eraginez. Aldaketen artean, hildakoak errausteko ohitura nagusitu da gurean. Baina aldaketa horrek pentsatu gabeko ezusteko galantak sortzen ditu…

12 – Negar kantuak: Maddi Ane Txoperena, Ane Labaka, Oihana Iguaran

Munduan negar kantuak oraindik ere gelditzen dira. Hildako pertsonaren omenez egiten diren kantuak dira, doluan. Bertsolaritzaren lehenengo aipamena ere XV. mendekoa da, horrelako kantuak aipatuz.
Baina negar kantu hutsak ordez, lehenago-lehenago, debeku guztien aurretik, laguntza kantuak ez ote ziren?

Bertso saio osoa

1 – Aurkezpena: Nere Erkiaga

6 – Beldurra: Oihana Iguaran, Ane Labaka

7 – Zaintza aringarri pediatrikoak: Maddi Ane Txoperena, Ane Labaka

8 – Hilerriak: Oihana Iguaran

9 – Lutoa: Ane Labaka, Oihana Iguaran eta Maddi Ane Txoperena

10 – Duintasuna heriotzan: Maddi Ane Txoperena

11 – Errautsak: Oihana Iguaran, Ane Labaka

12 – Negar kantuak: Maddi Ane Txoperena, Ane Labaka, Oihana Iguaran

13 – Maitatzeko ahalmena: Ane Labaka

14 – Librean: Ane Labaka, Oihana Iguaran eta Maddi Ane Txoperena

15 – Bukaera eta agurrak: Ane Labaka, Oihana Iguaran eta Maddi Ane Txoperena

Heriotzari buruzko gida