Zaintza aringarriak fitxategiak

#35 Heriotzaren inguruko formazioa osasun langileentzat

Heriotza gai Euskadi Irratiko Faktorian (2021-05-10)

Gonbidatua: Agurtzane Ortiz. Euskal Herriko Unibertsitateko Medikuntza eta Erizaintza Fakultateko dekanordea eta “Arreta Osoa Zainketa Aringarrietan” berezko masterraren zuzendari akademikoa da.

Zaintza aringarriak herrialde askotan medikuntzako unibertsitate espezializazioa diren arren Espainiako eta Frantziako hezkuntza sisteman ez da hala ematen eta horrez gain, sarritan, unibertsitate ikasketetan heriotzari buruzko oinarrizko ikasgairik ere ez dute izaten. Osasun langileek heriotzaren inguruan duten formazio beharrei buruz hitz egin dugu eta Agurtzanek EHUk eskaintzen duen zaintza aringarriei buruzko formazioaren nondik norakoak azaldu dizkigu. Grabazioa entzun eta informazio gehigarria jasotzeko, mezu osoa ireki.

#15 Heriotzaren inguruko eskubideak. Haurrentzako zaintza aringarriak

Heriotza gai Euskadi Irratiko Faktorian (2020-12-14)

Gonbidatua: Ziortza Karrantza. Psikologoa eta doluan aditua. Gurenduz zentroko kidea da, eta Gurutzetako etxeko ospitalizazio pediatrikoetako lan-taldean jardun zuen.

Haurrentzat bideratutako zaintza aringarrien ezaugarriei buruz eta hauek duten garrantzi handiari buruz hitz egin dugu. Euskal Herrian garatu behar den alorra da. Grabazioa entzun eta informazio gehigarria jasotzeko, mezu osoa ireki.

#14 Heriotzaren inguruko eskubideak. Aurretiazko Borondateen Dokumentua

Heriotza gai Euskadi Irratiko Faktorian (2020-12-07)

Gonbidatua: Ana Arrieta. Lehen arretako medikua da Gasteizen. Zaintza aringarrietan aditua ere bada, eta Aurretiazko borondateen dokumentua osatzen eta pazienteekin erabakien aurretiazko planifikazioan ere dihardu.

Pazientearen autonomiaren eskubidean oinarritzen da “Aurretiazko Borondateen Dokumentua”. Norbera komunikatzeko gai ez denean, osasun sistemako langileek gure borondatea ezagutzeko tresna bat da, legez bete behar dutena. Dokumentua tresna bat da, baina bertan jasotakoak hurbilekoenek ezagutu behar dute, eta batez ere, osasun langileek pazienteekin harremanean “Erabakien Aurretiazko Planifikazioa” edo “Arretaren Planifikazio Partekatua” prozesua garatu behar dute, pertsona horren nahiak eta ezaugarriak ondo ezagutu eta berarentzat heriotza duina dena ziurtatu ahal izateko. Guzti honetaz jardun dugu gaurko irrati tartean. Irrati-tartea entzuteko eta informazio gehigarria jasotzeko, mezu osoa ireki.

#13 Heriotzaren inguruko eskubideak. Zaintza aringarrien egoeraz

Heriotza gai Euskadi Irratiko Faktorian (2020-11-30)

Gonbidatua: Arantxa Iraola. Kazetaria. Berria egunkariko gizarte sailean dihardu lanean. Heriotzaren inguruko gaiak ertz ugaritik sakondu ditu.

Euskal Herrian, hiru administrazioetako osasun sistemen bidez eskaintzen diren zainketa aringarrietako zerbitzuen egoera aztertu dute erreportaje batean Arantxa Iraolak eta Oihana Teyseyre Koskarat kazetariek. Zaintza aringarrietako formazio gabezia eta espezializazio falta ere agertu dira beraien erreportajean. Irrati-tartea entzuteko eta informazio gehigarria jasotzeko, ireki mezu osoa.

#12 Heriotzaren inguruko eskubideak. Zaintza aringarriak jasotzeko eskubidea

Heriotza gai Euskadi Irratiko Faktorian (2020-11-23)

Gonbidatua: Itsaso Bengoetxea. Medikua, zaintza aringarrietan aditua eta Deustuko Unibertsitatean irakaslea. Galdakaoko Ospitaleko Zainketa Aringarrietako arduraduna da.

Zaintza aringarriak zer diren hobeto ezagutu ahal izan ditugu, eta profesionalen formazioaz eta zainketa aringarrietako zerbitzuen garapen beharrari buruz ere hitz egin dugu. Irrati-tartea entzuteko eta informazio gehigarria ikusteko mezu osoa ireki.

#11 Heriotzaren inguruko eskubideak. “Hil nahi dut”

Heriotza gai Euskadi Irratiko Faktorian (2020-11-16)

Gonbidatua: Alazne Belar. Erizaina, zaintza aringarrietan aditua. Nafarroako Unibertsitatean ATLANTES proiektuan ari da lanean. 2019an aurkeztu zuen tesia, gaixoen hiltzeko gogoaren atzean dauden arrazoiak aztertuz, eta egun ere gai horren inguruan ikertzen dihardu.

Heriotzaren inguruko eskubideen inguruan jardun dugu: Zaintza aringarriak jasotzeko eskubideaz eta eutanasiarako eskubideaz. Alaznek bere tesiaren inguruan agertutakoen berri eman digu. Grabazioa entzuteko eta informazio gehigarria ikusteko, ireki mezu osoa.